Thursday, March 31, 2011

After You!

0 comments
ရှက်ရှက်နဲ့ ၀န်ခံပါရစေ။
ရန်ကုန်နိုင်ငံတကာလေဆိပ်မှာ တွေ့ကြုံခဲ့တဲ့ အဖြစ်အပျက်လေးပါ။ လေဆိပ်ရဲ့ ဧည့်ခန်းမထဲမှာ မန္တလေးကိုသွားမယ့် လေယာဉ်ကို ကျွန်တော် စောင့်နေ ခဲ့တယ်။ ဧည့်ခန်းထဲမှာ နိုင်ငံပေါင်းစုံက နိုင်ငံခြားသားတွေ အများကြီးပဲ။ ဧည့်ခန်းထဲမှာ ရန်ကုန်မြို့တွင်းကို ဆက်တဲ့ အများသုံးတယ်လီဖုန်း တစ်ခု ရှိတယ်။ အဲဒီ့တယ်လီဖုန်းက တယ်လီဖုန်းဆက်ခ မပေးရပါဘူး။ အဲ့ဒီ တယ်လီဖုန်းကို ကောင်မလေးတစ်ယောက် ဆက်နေတယ်။ သူ့နောက်မှာလည်း တယ်လီဖုန်း ဆက်ဖို့ စောင့်နေတဲ့သူ လေး ငါးယောက်လောက်ရှိတယ်။ ကောင်မလေးကလည်း တယ်လီဖုန်းဆက်နေတာ ပြီးကိုမပြီးနိုင်ဘူး။ မိနစ် ၂၀လောက်ကြာမှ နောက်တစ်ယောက်အလှည့် ရောက်တော့တယ်။ အဲ့ဒီ တစ်ယောက်ကလည်း ဖုန်းပြောလိုက်တာအကြာကြီးပဲ။

ကျွန်တော့်ဘေးနားမှာ ထိုင်နေတဲ့ နိုင်ငံခြားသားတစ်ယောက်က အဲ့ဒီအဖြစ်အပျက်ကို နားမလည်နိုင်အောင် ဖြစ်နေပုံရတယ်။ ကျွန်တော့်စိတ်ထဲမှာ ဖုန်းပြော နေတဲ့လူတွေကိုကြည့်ပြီး
“အားနာမှုမရှိလိုက်ကြတာ”လို့ ခံစားရတယ်။

ဒီလိုနဲ့ မန္တလေးကိုသွားမယ့်လေယာဉ် ရောက်လာပါတယ်။ လေယာဉ်ပေါ်ကိုတက်ဖို့ “စပီကာ”က  ကြေညာပါတယ်။ မန္တလေးကို သွားမယ့်ခရီးသည်တွေ အားလုံး လှုပ်လှုပ်ရွရွဖြစ်သွားကြတယ်။ လေယာဉ်ပေါ်ကို သွားဖို့ ဘတ်(စ်)ကားတစ်စီး ထိုးဆိုက်လာတယ်။ အဲ့ဒီကားနဲ့ လေယာဉ်ဆီကို လေယာဉ်စီး ခရီးသည် တွေသယ်ဆောင်မှာဖြစ်တယ်။ လူတွေဟာ ဘတ်(စ်)ကားပေါ်ကို အလုအယက်ပဲ တိုးဝှေ့တက်ကြတယ်။ နိုင်ငံခြားသားတွေက အေးအေးဆေးဆေးပါပဲ။ တိုးဝှေ့တက်တဲ့အထဲမှာ ကျွန်တော်လည်းပါတယ်။ ဒီလိုနဲ့လေယာဉ်ဆီကို ကျွန်တော် ရောက်သွားတယ်။ လေယာဉ်ပျံရဲ့ နောက်အနားအပေါက်က ကျွန်တော် တို့တက်ရတယ်။ ဒီလိုပါပဲ... လေယာဉ်ပေါ်ကို တိုးဝှေ့ပြီးတက်လိုက်တယ်။ ကိုယ့်ထိုင်ခုံနဲ့ ကိုယ်ဆိုပေမယ့် ဘာကြောင့်များ တိုးဝှေ့တက်ခဲ့မှန်း ကိုယ့်ကိုယ် ကိုယ် မစဉ်းစားမိဘူး။ တိုးတာ၊ ဝှေ့တာ၊ တွန်းတာ၊ တိုက်တာ အကျင့်ပါနေလို့ပဲဖြစ်မယ်။

ဖြစ်ချင်တော့ ကျွန်တော့်ဘေးကထိုင်ခုံမှာ နိုင်ငံခြားသားတစ်ယောက် လာထိုင်တယ်။ ဧည့်ခန်းထဲမှာ တွေ့ခဲ့တဲ့သူပါ။ သူဟာ အေးဆေးတည်ငြိမ်စွာပဲ စာအုပ်တစ်အုပ်ကိုဖတ်နေတယ်။ လေယာဉ်တက်ပြီးလို့ (၁၀)မိနစ်လောက်အကြာမှာ လေယာဉ်မယ်လေးတွေက လက်တွန်းလှည်းလေးတွေကိုတွန်းပြီး အစား အသောက်လာကျွေးပါတယ်။ အပူလား။ အအေးလား။ ကြိုက်ရာသုံးဆောင်လို့ရတယ်။ဖော့ဘူးလေးနဲ့ အသားညှပ် ပေါင်မုန့်တစ်လုံးစီ လိုက်ပြီးဝေတယ်။

ကျွန်တော့်ရဲ့ထိုင်ခုံက အတွင်းဘက်မှာပါ။ အစားအသောက်လာပြီးပေးတဲ့ လေယာဉ်မယ်လေးတွေက တစ်တန်းပြီးတစ်တန်း၊ တစ်ခုံပြီးတစ်ခုံ စနစ်တကျ ပေးဝေပါတယ်။ ကျွန်တော့်ရဲ့ ခုံအနားလည်းရောက်ရော ကျွန်တော်က ကော်ဖီတစ်ခွက်ကို လှမ်းယူလိုက်တယ်။ အသားညှပ်ဖော့ဘူးတစ်ဘူးကို လှမ်းယူလိုက် တယ်။ တကယ်တော့ အဲ့ဒီနိုင်ငံခြားသားက လူသွားလမ်းရဲ့ဘေးမှာ နေရာယူထားသူ။ သူက အရင်ယူရမှာ။ ကျွန်တော်က အတွင်းဖက်ကခုံမှာ ထိုင်တဲ့သူ။ ကျွန်တော်က နောက်မှယူရမှာ။ ဒါပေမယ် ကျွန်တော်က အရင် လက်ကိုလှမ်းလိုက်တယ်။ အဲ့ဒီအချိန်မှာ နိုင်ငံခြားသားက စကားတစ်ခွန်းပြောတယ်။

“After you” 

အဲ့ဒီစကားကိုကြားကြားချင်း ကျွန်တော် နားမလည်ပါဘူး။ အစာစားရင်း ကျွန်တော်စဉ်းစားမိတယ်။

“After you” တဲ့။

After ဆိုတာ... ပြီးနောက်။

you ဆိုတာ... သင်၊ မင်း၊ နင်၊ ရှင်။
ဒီတော့... “After you” ဆိုတာ “မင်းပြီးမှ”လို့ အဓိပ္ပာယ်ရတယ်။ “မင်းကို ဦးစားပေး”ပါတယ်။ “မင်းအရင်လုပ်”ပါ။ ဒီလို သဘောဆောင်တဲ့ အင်္ဂလိပ်ခေတ်ပေါ် စကားတစ်ခုပါ။
 
ကျွန်တော် တွေးရင်းနဲ့ ရှက်လာတယ်။

ကျွန်တော်ဟာ  “After me” သမားပဲ။

ကျွန်တော်ဟာ မီးရထားလက်မှတ်တန်းစီရင်လည်း ငါရဖို့...။

ဘတ်(စ်)ကားစီးရင်လည်း ငါအရင်တက်ဖို့။ ငါ အရင်နေရာရဖို့။

ကားမောင်းရင်လည်း လမ်းဆုံမှာ ငါ အရင်ကူးဖို့။ ငါ အရင်ဖြတ်ဖို့။

လမ်းကူးရင်လည်း ငါ အရင် ဟိုဘက်ရောက်ဖို့...။

အလုပ်လျှောက်ရင်လည်း ငါ အလုပ်အရင်ရဖို့...။
ငါအဆင်ပြေဖို့...။

“After me”....

“After me”....

“After me”....


ငါပြီးမှ မင်း...။ ငါအရင်...။ ငါ့ကို ဦးစားပေး။

တွေးရင်း တွေးရင်နဲ့ ကျွန်တော် အရမ်းရှက်လာမိတယ်။

ဒီအကြောင်းကို အိမ်ရောက်တော့ အဖေနဲ့အမေကို ပြောပြမိတယ်။ အမေပြောတဲ့စကားဟာ မှတ်သားလောက်ပါတယ်။

“After you” ဆိုတဲ့ စိတ်ဟာ လူကြီးလူကောင်းစိတ်ပဲ။ အိမ်မှာ ထမင်းဟင်းကို အမေကချက်တယ်။ အမေချက်ထားတဲ့ ထမင်း၊ ဟင်းကို အမေ အရင်မစား ဘူး။ သားသမီးတွေကို အရင်ကျွေးတယ်။ “After you” ပေါ့ကွယ်။ ဒီလိုပဲ... မင်းအဖေဟာလည်း သူရှာလို့ရတဲ့ ငွေကြေးကို သူအရင်မသုံးဘူး။ သားသမီးတွေ ကို အရင်ပေးတယ်။ အရင်ကျွေးတယ်။ “After you” ပေါ့ကွယ်။ မင်းဟာလည်း မင်းညီတွေ၊ ညီမတွေနဲ့ ပတ်သက်ရင် “After you” လုပ်ရမှာပဲ။ ဒီလိုပဲ မင်းဟာ ဆရာတစ်ယောက်ဆိုတော့ တပည့်တွေနဲ့ တွေ့ရင် တပည့်တွေကို “After you” လုပ်ရမယ်။ “After you” ဆိုတာ ဦးစားပေးခြင်းသဘောအပြင် စာနာခြင်း၊ နားလည်ပေးခြင်းတွေ ပါနေတယ်။ မေတ္တာတရားတွေ ပါနေတယ်။ အတ္တနည်းခြင်းသဘောတွေ ပါဝင်နေတယ်။

အဖေက ၀င်ပြောတယ်။

“After me” ဆိုတာ အများအားဖြင့် လူငယ်တွေမှာ ဖြစ်တတ်ကြတယ်။ ကလေးတွေမှာ ဖြစ်တတ်ကြတယ်။ “After me” ဆိုတဲ့ စိတ်ရှိနေတဲ့သူဟာ လူကြီး မဖြစ်သေးဘူး။ စိတ်အရွယ်မရောက်ခြင်းရဲ့  မှတ်သင်္ကေတဟာ “After me” ပဲ။ “ အသက်တွေကြီးလေလေ တပ်မက်မှုတွေ နည်းလေလေ” ဖြစ်ရမှာ။ “အသက်တွေကြီးလေလေ တပ်မက်မှုတွေများလေလေ” ဆိုရင် ဒါဟာ တော်တော်ရှက်စရာကောင်းတဲ့ “After me” ပဲ။ “After me” ဆိုတာ လောဘ၊ ဒေါသ၊ မောဟ၊ အတ္တတွေ ရင်ထဲမှာ အများကြီးရှိနေခြင်းကို ဖော်ပြလိုက်ခြင်းပဲ။ “After me” သမားဟာာ မိဘဆိုရင်လည်း မိဘ မပီသတဲ့သူပေါ့။ ဆရာဆိုရင်လည်း ဆရာမပီသတဲ့သူပေါ့။ သူငယ်ချင်းဆိုရင်လည်း သူငယ်ချင်း မပီသတဲ့သူပေါ့။ မိတ်ဆွေဆိုရင်လည်း မိတ်ဆွေ မပီသတဲ့သူပေါ့။ ဒါကြောင့် လူကြီးလူကောင်း ဖြစ်ချင်ရင် “After me” ကိုလျှော့။ “After you” ဖြစ်အောင် ကြိုးစားပေါ့ သားရယ်။

ကျွန်တော်တို့ပတ်ဝန်းကျင်မှာ “After me” သမားတွေနည်းလာပြီး “After you” သမားတွေ များလာရင်တော့ အရမ်းပျော်စရာကောင်းမှာပဲနော်။

သူကလည်း ကိုယ့်အပေါ် “After you”

ကိုယ်ကလည်း သူ့အပေါ် “After you”

မိဘကလည်း သားသမီးအပေါ် “After you”

သားသမီးကလည်း မိဘအပေါ် “After you

လူကြီးတွေကလည်း လူငယ်တွေအပေါ် “After you”

လူငယ်တွေကလည်း လူကြီးတွေအပေါ် “After you”

ဆရာကလည်း တပည့်အပေါ် “After you”

တပည့်ကလည်း ဆရာ့အပေါ် “After you”

အပြန်အလှန် “After you” ဆိုတဲ့....

ဝန်းကျင်တစ်ခုကို ကျွန်တော်တို့ ထူထောင်ကြရအောင်ဗျာ။
ဦးဘုန်း(ဓာတု)
မန္တလေး

ဝမ်းတေဘယ်လ်

0 comments
ည (၁၁) နာရီကျော်မှ ကျွန်တော်တို့လင်မယားပြန်ရောက်ကြတယ်။ အဲ့ဒီညက ကျွန်တော်နည်းနည်းမူးလာတယ်။
သူငယ်ချင်းတစ်ယောက်က သူ့ရဲ့စီးပွားရေါ်လုပ်ငန်းတစ်ခု အောင်မြင်တဲ့အတွက် သူ့ သူငယ်ချင်းတွေဖြစ်တဲ့ ကျွန်တော်တို့လင်မယားကို ကန်တော်ကြီးစောင်းမှာရှိတဲ့ အကောင်းဆုံးဆိုတဲ့ စားသောက်ဆိုင်မှာ ညစာကျွေးတယ်။ ကြက်ကောက်ရိုးမီးကင်လည်းပါတယ်။ ဘဲကင်လည်းပါတယ်။ ယိုးဒယားပုံစံချက်ပြုတ်ထားတဲ့ အစားအစာတွေ အစုံပါတယ်။ Black Label, Green Label လို့ခေါ်ကြတဲ့ နိုင်ငံခြားဖြစ် အရက်အကောင်းစားတွေလည်းပါတယ်။
သူငယ်ချင်းတွေတွေ့ကြတော့ ပြောကြဆိုကြ သောက်ကြစားကြနဲ့ အလွန်ပျော်စရာကော်းပါတယ်။ စားသောက်ဆိုင်ကလည်း စင်တင်တေးဂီတပါတော့ ဦးနှောက်နဲ့ ဝိုးတဝါးအလှကိုခံစားရင်း ည(၁၁) နာရီ ထိုးသွားပါတော့တယ်။
ကားကို ဖြည်းဖြည်းလေးမောင်းပြီး ပြန်ခဲ့တယ်။ အိမရောက်တော့ အဖေမအိပ်သေးဘူး။ အဖေက ကျွန်တော်တို့ စောင့်နေတာဖြစ်မယ်။ ကျွန်တော်တို့လည်း အိမ်ကိုရောက်ရောက်ချင်း ဝင်အိပ်လိုက်ကြတယ်။
………..
ကျွန်တော်တို့အိမ်မှာ ထုံးစံတစ်ခု၇ှိတယ်။ နံနက် ၆ နာရီဆိုရင် ထမင်းစားခန်းထဲမှာ အတူတူဝိုင်းဖွဲ့ပြီး ကော်ဖီသောက်ကြရတယ်။ စကားပြောကြရတယ်။ ပြီးမှ အလုပ်သွားကြရတယ်။ အဲ့ဒီနေ့မနက်မှာ မနေ့ညက အကြောင်းပြောဖြစ်တယ်။
``အဖေရေ.. သိလား။ ကျော်နိုင်ကြီးလေ.. ရေနံမှော်အောင်တယ်။ ဒါကြောင့် မနေ့ညက ကျွန်တော်တို့ကို ``ဝမ်းတေဘယ်လ်`` ပေးတယ် အဖေရ။ ကောင်းလိုက်တဲ့ အစားအစာတွေ။ အရက်ဆိုတာကလည်း အပျံစား။ အဝသောက်လို့ရတယ်``
အဲ့ဒီအချိန်မှာ ကျွန်တော့်မိန်းမက ဝင်ပြောတယ်။
``ကြက်ကောက်ရိုးမီးကင်ဆိုတာတော်တော်ကောင်းတာပဲ။ ယိုးဒယားအစားအစာတွေကလည်း ``ရှယ်``ပဲ ကောင်းလိုက်တာ လွန်ရော``
``ဟုတ်ပါတယ် အဖေရကျော်နိုင်ကြီးရဲ့ ``ဝမ်းတေဘယ်လ်``ကတော့ တစ်သက်မမေ့စရာပါပဲ.. အဖေရာ``
အဖေ ကျွန်တော့်ကို ပြုံးပြုံးကြီးကြည့်ပြီး ကျွန်တော့် စကားကို ခေါင်းတညိတ်ညိတ်နဲ့ နားထောင်နေပါတယ်။
``Green Label ဆိုတာ အရက်လို့သာ ပြောတာပါ။ တအားကြီး မမူးဘူးဗျ။ နိုင်ငံခြားဖြစ်အရက်မို့လားမသိဘူး။ ယဉ်ယဉ်လေးနဲ့ ရစ်တစ်တစ်ကလေး။ မနက်အိပ်ရာထတော့လည်း ဘာမှမဖြစ်ဘူးဗျ.. အဖေရ သိလား``
ဒီအချိန်မှာ အဖေက ကျွန်တော့်ကို စကား စ, ပြောပါတယ်။
``ကျော်နိုင်ဆိုတာ ၂၂လမ်းက ကျော်နိုင်ကို ပြောတာလား။ ဝမ်းသာပါတယ်ကွာ။ မင်းတို့တစ်တွေ အဲ့ဒီလိုကြီးပွားကြတာ၊ ပျော်နိုင်ကြတာ၊ စားနိုင်သောက်နိုင်ကြတာ။ ဒါပေမယ့်တစ်ခုတော့ သတိပေးစရာရှိတယ်``
အဖေဟာ..ကော်ဖီကို သောက်လိုက်တယ်။ သားသမီးတွေနဲ့ မြေးတွေကို တစ်ယောက်ချင်းလိုက်ပြီး ကြည့်တယ်။ စိုက်ကြည့်တယ်။
``အားလုံးသေချာနားထောင်ကြ။ ငါ့သားကြီးက ပြောတယ်။ သူ့သူငယ်ချင်း ကျွေးတဲ့ ``ဝမ်းတေဘယ်လ်`` ဘယ်လိုကောင်းကြောင်း၊ ဘယ်လို ကျေးဇူးတင်ကြောင်း၊ ဘယ်လိုပျော်စရာကောင်းကြောင်း၊ အားလုံးကြားကြတယ်နာ်``
``ဟုတ်ကဲ့.. အဖေ``
``ကျော်နိုင်ရဲ့ ``ဝမ်းတေဘယ်လ်``ကိုတော့ ကျေးဇူးတင်ရကောင်းမှန်းသိတယ်။ တစ်သက် မမေ့နိုင်ဘူးလို့လည်း ပြောတယ်။ တကယ်ကို ဝမ်းပန်းတသာကြီး အူလှိုက်သဲလှိုက်ခံစားပြီးပြောတယ်။ ဟုတ်ရဲ့လား.. ငါ့သားကြီး``
``ဟုတ်ပါတယ်.. အဖေ``
``ဒါဆိုရင် မင်းတို့အားလုံးကို ငါမေးမယ်။ မင်းတို့တစ်တွေကို ငါတို့ မိဘနှစ်ပါးက နေ့စဉ်နေ့တိုင်း ``ဝမ်းတေဘယ်လ်``မကဘူး။ ``သရီးတေ ဘယ်လ်`` ကျွေးနေတယ်။ ကျွေးခဲ့တယ်။ ကျွေးနေဦးမြှ။ မင်းတို့ပျော်ပျော်ပါးပါးစားသောက်နေတာတွေ့ရရင် ငါတို့အရမ်းပျော်တယ်။ မင်းတို့ အဲ့ဒီလို နေ့တိုင်းတစ်နေ့ကို ``သရီးတေဘယ်လ်`` စားနေကြတာကိုတော့ အခုလိုဝမ်းပန်းတသာကြီးပြောဖို့ သတိမရကြဘူးနော်``
ကျွန်တော် တော်တော်လန့်သွားတယ်။ အဖေရဲ့ မျက်လုံးမှာ အဓိပ္ပာယ်တွေရှိနေတယ်။ အဖေက ဆက်ပြောတယ်။
မြန်မာစကားပုံမှာ ``တစ်လုပ်စားဖူး သူ့ကျေးဇူး``ဆိုတာ ကျွန်တော်တို့ သိကြပါတယ်။ ထမင်းအလုတ်ပေါင်းများစွာကျွေးခဲ့တဲ့၊ ကျွေးနေဦးမယ့် အဖေတို့၊ အမေတို့ရဲ့ ကျေးဇူးကို ကျွန်တော်တို့ မတွေးမိကြဘူးနော်။ သူငယ်ချင်းတစ်ယောက်က ကျွေးတဲ့ ``ဝမ်းတေဘယ်လ်``ကိုတော့ ရင်ထဲမှာ မှတ်တမ်းတင်မိတယ်။ အဖေနဲ့ အမေကျွေးနေတဲ့ ``တေဘယ်လ်`` များစွာကိုတော့ ရင်ထဲမှာ မှတ်တမ်းမတင်မိခဲ့ဘူး။
``တစ်သက်မှာ တစ်ခါလောက်သာကျွေးတဲ့ သူငယ်ချင်းတစ်ယောက်ရဲ့ ``ဝမ်းတေဘယ်လ်``ကိုတော့ ကျေးဇူးတင်လိုက်ကြတာပြောလို့ကို မဝကြဘူး။ တစ်သက်လုံး နေ့စဉ်နေ့တိုင်း ဒီစားပွဲခုံပေါ်မှာ မရေတွက်နိုင်အောင် ကျွေးခဲ့တဲ့ အဖေတို့ အမေတို့ရဲ့ ``တေဘယ်လ်`` တွေကို မင်းတို့ တန်ဖိုးမထားကြဘူးနော်``
အဖေပြောမှ ကျွန်တော်စဉ်းစားမိတော့တယ်။ ဟုတ်ပါတယ်။ အဖေနဲ့ အမေကျွေးခဲ့တဲ့ ထမင်းတွေနည်းမှ မနည်းဘဲ။ ``တေဘယ်လ်``ပေါင်းများစွာ ကျွန်တော်တို့စားခဲ့ကြပြီးပြီ။ နောင်လည်း စားနေဦးမှာပဲ။
ဒါပေမယ့် ဘာကြောင့်များ၊ ကျေးဇူးတင်ပါတယ်လို့ မတွေးမိကြတာလဲ။ မစဉ်းစားမိကြတာလဲ။ မပြောမိကြတာလဲ။ မြန်မာစကားပုံမှာ ``တစ်လုတ်စားဖူးသူ့ကျေးဇူး`` ဆိုတာ ကျွန်တော်တို့သိကြပါတယ်။ ထမင်းအလုပ်ပေါင်း များစွာကျွေးနေဦးမယ့် အဖေတို့၊ အမေတို့ရဲ့ ကျေးဇူးကို ကျွန်တော်တို့ မတွေးမိကြဘူးနော်။ သူငယ်ချင်းတစ်ယောက်က ကျွေးတဲ့ ``ဝမ်းတေဘယ်လ်``ကိုတော့ ရင်ထဲမှာ မှတ်တမ်းတင်မိတယ်။ အဖေနဲ့ အမေကျွေးနေတဲ့ ``တေဘယ်လ်``များစွာကိုတော့ ရင်ထဲမှာမှတ်တမ်းမတင်မိခဲ့ဘူး။
ကျွန်တော် ဒီစာကို နောင်တများစွာဖြင့် ရေးသားခြင်းဖြစ်ပါတယ်။
တွေးကြည့်ကြရအောင်ဗျာ……။
 
ဦးဘုန်း(ဓာတု)

Monday, March 28, 2011

နီးနီးဝေးဝေး

0 comments
အဲဒီနေ့က ဒီဇိုင်းဆရာဆီက ပြန်ခဲ့တယ်။ စာအုပ်အဖုံးအတွက် ဒီဇိုင်းအပ်ထားပါတယ်။ တစ်လကြာခဲ့ပြီ။ သူ့ဆီ သွားရတာလည်း အကြိမ်ပေါင်း မနည်းတော့ဘူး။ " မနက်ဖြန် လာကြည့်ပါ " ဆိုတဲ့စကား သွားတိုင်းကြားနေရတယ်။
            အဲဒီစကားဟာ ကျွန်တော်တို့ အမြဲ သုံးနေကျစကားပါ။ အလုပ်တစ်ခု သွားအပ်ရင်ပဲဖြစ်ဖြစ်၊ ရစရာရှိလို့ သွားတောင်းရင်ပဲဖြစ်ဖြစ်၊ တွေ့စရာရှိလို့ချိန်းရင်ပဲဖြစ်ဖြစ် ' နက်ဖြန် ' ဆိုတဲ့စကား အလွယ်တကူ သုံးတတ်ကြတယ်။ ' မနက်ဖြန် ' ဆိုတဲ့ နောက်တစ်နေ့ဟာ သိပ်မကြာခင် ရောက်လာမှာဖြစ်လို့ သည်းခံပါ။ " မနက်ဖြန် " ဆိုတာ နီးနီးလေးပါ ။ ဘာကြာတာမှတ်လို့။ ခဏလေးစောင့်ရတာပဲ။ ဒီလောက်မှ စိတ်မရှည်ဘူးလား။ " မနက်ဖြန် " ဆိုတာ ဒီလို အဓိပ္ပာယ်တွေ ရှိနေတယ်။
            ' မနက်ဖြန် ' ဆိုတဲ့အချိန်ဆိုင်းမှုဟာ ကျွန်တော်တို့တစ်တွေရဲ့ အလေ့အထလိုဖြစ်နေကြတယ်။ ကျွန်တော်တို့တစ်တွေရဲ့ အချိန်အပေါ်တန်ဖိုးထားမှုအားနည်းကြောင်း ဝန်ခံနေတဲ့ စကားလုံးဆိုတာ သတိမပြုမိကြဘူး။ " မနက်ဖြန် " ဆိုတဲ့စကားဟာ ကတိမတည်ခြင်းရဲ့ သင်္ကေတတစ်ခု ဖြစ်နေတယ်ဆိုတာ မစဉ်းစားမိကြဘူး။ ဒါပေမဲ့ ' မနက်ဖြန် ' ဆိုတာ နောက်တစ်နေ့ အိပ်ရာထရင် ရောက်သွားတတ်တာပဲ။ ဒီလောက်တော့ စောင့်နိုင်ရမှာပေါ့ဆိုတဲ့ အပြန်အလှန်နားလည်မှုတွေနဲ့ အပြန်အလှန်သည်းခံရင်း အပြန်အလှန် ခွင့်လွှတ်မှုတွေနဲ့ နေလာခဲ့ကြတာ ကျွန်တော်တို့ရဲ့ ယဉ်ကျေးမှုတစ်ရပ်လို ဖြစ်နေပါပြီ။
            " မနက်ဖြန်မှ လုပ်မယ် "
            " မနက်ဖြန်မှ တွေ့မယ် "
            " မနက်ဖြန်မှ သွားမယ် "
            ဆိုတဲ့ ' မနက်ဖြန် ' များစွာဟာ ကျွန်တော်တို့ ပါးစပ်ထဲမှာ၊ စိတ်ထဲမှာ အကျင့်ဖြစ်နေတဲ့ သာမန်စကားတစ်လုံးပါ။ " See you tomorrow " ဆိုပြီး ခွဲကာနီးမှာ နှုတ်ဆက်စကား ပြောကြတာ စာဖတ်သူတွေ ကြားဖူးမှာပါ။ လူတွေရဲ့ စိတ်ထဲမှာ မနက်ဖြန်ဆိုတာ သေချာတဲ့ နေ့တစ်နေ့လို့ ယုံမှတ်ပြီး အလွယ်တကူ နှုတ်ဆက်ကြတဲ့သဘောပါ။
            ဒီဇိုင်းဆရာဆီကအပြန် ဆိုင်ကယ်စီးလာရင်း ' မနက်ဖြန် ' ဆိုတဲ့အချိန်အကြောင်းကို တွေးနေမိပါတယ်။ အဲဒီနေ့က ( ၆၂ ) လမ်းအတိုင်း ပြန်လာခဲ့ပါတယ်။ နေ့ခင်းဖက်ဆိုတော့ လူရှင်း၊ ကားရှင်းဖြစ်နေလို့ ဆိုင်ကယ်ကို ဖြည်းဖြည်းစီးလာခဲ့တယ်။ ဖြစ်ချင်တော့ ( ၆၂ ) လမ်းနဲ့ ခိုင်ရွှေဝါလမ်းဒေါင့်မှာ သဲကားနဲ့ ဆိုင်ကယ်တစ်စီး ချိတ်မိပြီး ဆိုင်ကယ်စီးလာတဲ့ လူနှစ်ယောက် ကားရဲ့ နောက်ဘီးကားအောက်မှာ ပြားပြားမှောက်လို့ သေနေရှာတယ်။ လူတွေကလည်း ဝိုင်းအုံလို့၊ တစ်ယောက်တစ်မျိုး ထင်မြင်ချက်တွေပြောပြီး ကြည့်နေကြတယ်။ ကျွန်တော်ကတော့ နီရဲနေတဲ့သွေးတွေကိုမကြည့်ရဲတာနဲ့ တုန်ုတုန်ယင်ယင်ဖြစ်ပြီး အိမ်ကို ပြန်လာခဲ့တယ်။
            ဒီနေရာမှာ ကျွန်တော် စဉ်းစားမိတာလေး ရေးပြပါရစေ။  
            ဒီလူနှစ်ယောက်တော့ သေသွားရှာပြီ။ ဒီလူနှစ်ယောက်ကို ကျွန်တော်မသိပါဘူး။ ဒီလူနှစ်ယောက် နောက်ထပ် ဘဝတစ်ခုကို ပြောင်းသွားကြပြီ။ ဒီလူနှစ်ယောက်အတွက် မနက်ဖြန်ဆိုတာ မရှိတော့ဘူး။ မနက်ဖြန်ဆိုတဲ့စကား သူတို့မပြောနိုင်တော့ပါဘူး။ မနက်ဖြန်ဆိုပြီး အချိန်ကို ရွှေ့လို့မရတော့ပါဘူး။ မနက်ဖြန်ဆိုတာ သူတို့နဲ့ မသက်ဆိုင်တော့ပါဘူး။ မနက်ဖြန်များစွာဟာ သူတို့နှစ်ယောက်ဘ၀မှာ ပြီးဆုံးသွားခဲ့ပါပြီ။
            မေးပါရစေ။
            ဒါဆိုရင် ' မနက်ဖြန် ' နဲ့ ' နောက်ဘဝ ' ဘယ်သူက နီးပြီး၊ ဘယ်သူကပိုဝေးသလဲ။
            ဥာဏ်နုနယ်တဲ့ ကလေးတစ်ယောက်ကိုသာမေးရင်တော့ မနက်ဖြန်ဆိုတာ နီးနီးလေး၊ နောက်ဘဝဆိုတာ အဝေးကြီးလို့ ဖြေမှာပဲ။
            ဥာဏ်ကြီးတဲ့ လူတစ်ယောက်ကို မေးရင်တော့ မနက်ဖြန်ဆိုတာ အဝေးကြီး၊ နောက်ဘဝဆိုတာ နီးနီးလေးလို့ ဖြေမှာပါပဲ။ သေချာတွေးကြည့်ရင် မနက်ဖြန်ဆိုတာရောက်လာဖို့ နောက်ထပ် ( ၂၄ ) နာရီလောက် လိုသေးတယ်။ နောက်ဘဝဆိုတာ ချက်ချင်း ဖြစ်သွားနိုင်တာပဲ။
            ဒါဆိုရင် မသေချာတဲ့ မနက်ဖြန်တွေကို ကိုယ်တကယ် မပိုင်ဆိုင်တဲ့ မနက်ဖြန်တွေကို ဘာဖြစ်မယ်မသိတဲ့ မနက်ဖြန်တွေကို ကျွန်တော်တို့ ဘာလို့ တန်ဖိုးထားနေမိကြတာလဲ။ နောက်ဘဝဆိုတာ မနက်ဖြန်ထက်စာရင် အများကြီးနီးတယ်ဆိုတာ သိရဲ့သားနဲ့ ဘာလို့များ အချိန်ကို တန်ဖိုးမထားမိကြတာလဲ။
            နောက်ဘဝ ဆိုတာ နီးနီးလေးမှန်းသိရင် အလုပ်တွေကို ပြီးအောင် လုပ်သင့်တယ်။ အချိန်မဆွဲသင့်ဘူး။ အမုန်းတရားတွေနေရာမှာ မေတ္တာတရားနဲ့ အစားထိုးသင့်တယ်။ မနာလို၊ ဝန်တိုမှုတွေနေရာမှာ အပြန်အလှန် လေးစားမှုတွေနဲ့ ဆက်ဆံသင့်တယ်။ ယုံကြည်မှုတွေနဲ့ လက်တွဲသင့်တယ်။ တစ်ယောက်ကိုတစ်ယောက် လှည့်ပတ်လိမ်ညာမှုတွေနေရာမှာ ပွင့်လင်းရိုးသားမှုတွေနဲ့ ရင်ဘတ်ကိုဖွင့်ပြီး ဆက်ဆံသင့်တယ်။ အတ္တစိတ်တွေနေရာမှာ ကိုယ်ချင်းစာတရားနဲ့ အစားထိုးသင့်တယ်။ ကိုယ်ယူထားတဲ့ တာဝန်ကိုကျေသင့်တယ်။ ကိုယ်ပေးထားတဲ့ ကတိကိုတည်သင့်တယ်။ ကိုယ်ပြောထားတဲ့စကားကို ကိုယ် နားထောင်သင့်တယ်။ ဘာကြောင့်လဲဆိုတော့ ' မနက်ဖြန် ' ဆိုတာ မသေချာလို့ပါပဲ။
            မသေချာတဲ့ မနက်ဖြန်ကို ကျွန်တော်တို့ ဘာလို့များ မျှော်လင့်နေကြတာလဲ။ မနက်ဖြန်ဆိုတဲ့ စကားတစ်ခွန်းနဲ့ မသေချာတဲ့ မျှော်လင့်ချက်တွေ အပြန်အလှန်ပေးပြီး ဘာလို့ လှည့်စားချင်နေကြတာလဲ။ မနက်ဖြန်ဆိုတာ လက်ရှိအချိန်လောက် မသေချာပါဘူး။ နောက်ဘဝဆိုတာ သေချာတွေးကြည့်ရင် လူတိုင်းအတွက် အဆင်သင့်ရှိနေတဲ့ အနီးဆုံးအရာပါ။
            ဒါကြောင့်…
            ကျွန်တော်တို့ စိတ်တွေ ပြင်သင့်တယ်။ မျက်နှာမှာ အပြုံးတွေ ရှိသင့်တယ်။ လက်မှာ အလုပ်တွေ ရှိသင့်တယ်။ ပါးစပ်မှာ မုသားတွေ မပါသင့်ဘူး။ နှလုံးသားမှာ စာနာစိတ်တွေ ရှိသင့်တယ်။ လုပ်သင့်တဲ့ အလုပ်တွေကို အချိန်မီပြီးအောင် လုပ်ဖို့ လိုတယ်။
            ကျွန်တော်ကိုယ်တိုင်လည်း ဒီလိုမျိုး တစ်ခါမှ မတွေးမိဘူး။ ဒီဇိုင်းဆရာရဲ့ ပါးစပ်ကပြောတဲ့ ' မနက်ဖြန် လာကြည့်ပါ ' ဆိုတဲ့ စကားနဲ့ ကားလမ်းပေါ်က လူနှစ်ယောက် သေဆုံးမှုဖြစ်ရပ်၊ ဒီနှစ်ခုကို နှိုင်းယှဉ်ပြီးသိလာရတဲ့ ခံစားသိပါ။
            ဒါကြောင့်… သတိဆိုတဲ့ ခံစားသိလေးနဲ့ ဒီစာကို ရေးမိတာပါ။
            ကျွန်တော့်မှာ မပြီးမပြတ်သေးတဲ့အလုပ်တွေလည်း အများကြီး၊ တာဝန်ယူပြီး တာဝန်မကျေသေးတဲ့ အလုပ်တွေလည်း အများကြီး ၊ ကတိတွေပေးပြီး မေ့နေတဲ့ ၊ မေ့ချင်ယောင်ဆောင်ထားတဲ့ အလုပ်တွေလည်း အများကြီးရှိနေသေးတယ်။ ချက်ချင်းဆိုသလို ရောက်လာနိုင်တဲ့ နောက်ဘဝ ကျွန်တော်မေ့နေတယ်။ မနက်ဖြန်ကို သေချာတယ်လို့ ကျွန်တော်ထင်နေတယ်။ မနက်ဖြန်ကို ပိုင်ဆိုင်တယ်လို့ ကျွန်တော် ယုံကြည်နေတယ်။ ဒါကြောင့် အချိန်တွေဆွဲတယ် ၊ ပျင်းရိစိတ်တွေမွေးတယ်။ မေ့မေ့လျော့လျော့နဲ့ ပျော်ချင်တိုင်း ပျော်နေတယ်။
            အလုပ်ဆိုတာ သူ့အရွယ်နဲ့သူ ရှိတယ်။ နောက်ဘဝဆိုတဲ့အသိ ဝင်လာတာကြောင့် ကျွန်တော်တို့အရွယ်မှာ လုပ်ရမယ့်အလုပ်တွေ အများကြီးပဲ။ တာဝန်မကျေဘဲ အနီးဆုံးဖြစ်တဲ့ နောက်ဘဝကူးသွားခဲ့ရင် မတွေးရဲစရာပါပဲ။ 
            အရင်တုန်းက နောက်ဘဝဆိုတာ အဝေးကြီး၊ မနက်ဖြန်ဆိုတာ နီးနီးလေးလို့ထင်ထားတာ။
            အခုမှတွေးမိတယ်။ မနက်ဖြန်ဆိုတာက အဝေးကြီး၊ နောက်ဘဝဆိုတာက နီးနီးလေး။
            ဒါကြောင့် " မနက်ဖြန် " ဆိုပြီး အချိန်မဆွဲကြေး။ 

            စာဖတ်သူတွေးကြည့်ဖို့ပါ။ 

 နီးနီးဝေးဝေး အတွေး လက်ဆောင် စာအုပ်မှ ပြန်လည်ဖော်ပြခြင်းဖြစ်သည်။

ဦးဘုန်း(ဓာတု)

Country

free counters
 

ဦးဘုန်း (ဓာတု) မန္တလေး. Copyright 2011 All Rights Reserved Free Wordpress Templates by Brian Gardner Blogger Templates presents HD TV Fringe Streaming. Featured on Wedding Photographers Singapore.